Venesuêlada qabat ut bette

Venesuêlada kiñ külämle êlektr ênergiyäse özeklege. Başqala Karakas häm ilneñ ähämiyätle öleşendä ut yuq. Bu inde Venesuêlada 4nçe tapqır êlektr özelü oçrağı.  

7nçe martta başlanğan häm yaqınça ber atna däwam itkän özeklektän soñ 25nçe martta ikençe zur ut betü oçrağı buldı. Anısı 2 kön däwam itte. Monnan aldağı özekleklär 29nçı-30nçı martta bulğan ide.

Däwlät başlığı Nikolas Maduro bu özeklekkä ilneñ zur öleşen ênergiyä belän täêmin itüçe Guri gidroêlektrostanśiyäsendäge tapşıru blogına kisken märgän tarafınnan ut açılu näticäsendä başlanğan yanğın säbäpçe buluın belderde.