Yämändä meñnärçä keşe yäşägän cirlären taşlap kitä

Berläşkän Millätlär Oyışması qaçaqlar yuğarı komissariatınıñ Yämän ofisı beldergänçä Yämändä bıyıl 274 meñnän kübräk keşe yäşägän cirlären taşlap kitärgä mäcbür bulğan.

Şulay uq soñğı 1 atnada ülüçe häm yaralanuçı keşe sanınıñ 75 buluı belderelä.

Ozaq waqıt säyäsi totrıqsızlıq xökem sörgän Yämändä husilär belän xökümätkä bäyle köçlär arasında bäreleşlär küzätelä.

Husilär 2014 nçe yılnıñ sentyabrennän birle başqala Sana häm qayber töbäklärneñ kontrolen üz qulında totqanda Soğud Ğaräbstanı äydäp baruçanlığındağı koaliśiya köçläre isä 2015 nçe yılnıñ martınnan başlap husilärgä qarşı Yämän xökümätenä yaqlaw kürsätä.

İldä açlıq,xolera,bäreleşlär häm hawa höcümnare arqasında keşelek draması küzätelä , küp kenä ğailälär bäreleşlär säbäbe belän ilneñ başqa töbäklärenä küçenergä mäcbür bula.