Sudanda yaña tüntäreleş kereşüe
Anı buldırmıy qalğannar
Sudan xärbi kiçü şurası ildä yaña tüntäreleş kereşüeneñ kirtälänüen häm anı oyıştıruçınıñ êläkterelüen belderde.
Xärbi şurağa bäyle iminlek häm saqlanu komitetı räise armiyä generalı Cämal Ömär bu xaqta Sudan däwlät telekanalı aşa söyläde. Anıñ belderüençä, tüntäreleş kereşüeneñ başında qorallı köçlär, küzläw oyışmasında êşläwçelär häm layıqlı yaldağılar torğan. Citäkçe komandir, 12 ölkän ofiśer häm 4 keçe leytenant qulğa alınğan.
General Ömär fikerençä, tüntäreleşneñ maqsatı - oppoziśiyäneñ yuğarı basqıçı Bäysezlek häm üzgäreş deklaraśiyäse köçläre belän tözeläçäk kileşüne kirtäläw.
Sudan xärbi kiçü şurası süzçese Şämsetdin Kebbaşi iyün’ ayında ber törkem xärbi häm säyäsätçe qatnaşındağı tüntäreleş kereşüe buluın beldergän ide.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar