Konvert êçendä yädrä

İtaliyädä ğadättän tış uñ qaraşlı Lig partiyäseneñ liderı, viśe-prem’yer häm êçke êşlär ministrı Matteo Sal’vinigä êçendä yädrä bulğan konvert cibärdelär.

İlneñ räsmi xäbär agentlığı Ansanıñ jandarmeriyä çığanaqlarına tayanuçı yazmasında äytelgänçä, şöbhäle konvertnı Florenśiyä şähärenä yaqın bulğan Sesto Florentino rayonı poçtasında kürep alalar. Ul tışında yazılğan adresat - Matteo Sal’vininıñ qulına barıp kermi.

Jandarmeriyä tikşerenüläre waqıtında konvertnıñ êçennän 22 kalibrlı yädrä çığa. Adres urınında gazetalardan kisep yabıştırılğan “Ministr, gerśog, Matteo Sal’vini, parlament, Rim” digän süzlär bar.

Êçke êşlär ministrı Sal’vini älege mäs’älä belän bäyle sorawlarğa cawap birep bolay dide: “Ministr wazıyfasına kereşüemnän birle 100dän artıq ülem yanawı yäisä qurqıtu êçtälekle xat aldım. Qayber sulçı näfrät süzläre beräwlärgä täêsir itärgä mömkin, ämma mine qurqıtmıy. Näq’ kirese, bu - härtörle cinayät’ belän köräştä miña tağın da köç häm dart birä.

Waqıyğanı tikşerü êşe başlandı.