Awrupa Berlegendä xalıq sanı 513 million yarımğa citte

Awrupa Berlegendäge 28 ilneñ tulayım xalıq sanı 2019nçı yılğa 513,5 million buldı. Yevrostat mäğ’lümatlarına qarağanda, 2018nçe yılnıñ başında bu kürsätkeç 512,4 million bulğan. Şulay itep ber yıl êçendä 1 million 100 meñ keşegä artqan.

Awrupa Berlegeneñ iñ küp keşele däwläte Germaniyä. Anıñ xalıq sanı - 83 million. Franśiyä 67 million kürsätkeçe belän ikençe urında. Öçençedä - Angliyä. Anda 66,6 million keşe yäşi. İsemlekne İtaliyä (60,4 million), İspaniyä (46,9 million), Pol’şa (38 million) däwam itä.

Älege çorda Törkiyädä xalıq sanı 82 million 3 meñ 882 keşe bularaq terkälde.

Awrupa Berlegendäge 28 ildä 2018nçe yılda ülüçelär sanı tuuçılarnıqınnan arttı. Baqıylıqqa küçüçelär 5 million 300 meñ bulsa, dön’yağa yaña awaz saluçılar - 5 million.

Awrupa Berlegeneñ xalıq sanın migrantlar arttırdı.