Putin İtaliyada
Rusiyӓ dӓwlӓt başlığı Rimğa ber könlek sӓfӓr yasadı
Rusiyӓ Federaśiyase dӓwlӓt başlığı Vladimir Putin İtaliya başqalası Rimğa ber könlek sӓfӓr yasadı.
Putin Vatikan dӓwlӓt başlığı Papa Franśisk, ilbaşı Serdjo Mattarella hӓm prem’yer-ministr Djuzeppe Konte belӓn küreşep söylӓşte.
Papa belӓn söylӓşüdӓ Süriyӓ, Venesuêla hӓm Ukraina krizislarınıñ qaraluı belderelde.
Söylӓşüdӓn soñ Papanıñ Putinğa: “Minem öçen doğa uqı”, - dip ӓytüe hӓm Putinnıñ moña: “Minem belӓn küreşüegezgӓ rӓxmӓt, qızıqlı hӓm bik möhim söylӓşü buldı”, - cawabın qaytaruı iğtibarnı cӓlep itte.
Vladimir Putin İtaliya prem’yer-ministrı Konte belӓn söylӓşü ütkӓrgӓnnӓn soñ oyıştırılğan matbuğat oçraşuında isӓ Liviyada wazğiyӓt’neñ könnӓn-kön naçarayuın belderep, NATOnı ğayeplӓde.
Rusiyӓ dӓwlӓt başlığı ileneñ Qırım hӓm Sevastopol’ne qanunsız yawlawı arqasında Awrupa Berlegeneñ 2020 yılnıñ 23 iyun’ könenӓ qadӓr ozınaytqan çiklӓwlӓrgӓ dӓ tuqtalıp: “Çiklӓwlӓr arqasında Awrupa Berlege illӓre dӓ millionnarça dollar yuğalta. Lӓkin sankśiyalӓrneñ beterelüe Rusiyӓgӓ genӓ bӓyle tügel,” – dide.
İtaliya prem’yerı Djuzeppe Konte da Liviyadӓge watandaşlar suğışı hӓm qaçaqlar mӓs’ӓlӓseneñ ike ilneñ urtaq borçuı buluın citkerde.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı