Argentinada qotıp salqınnarı

Argentinada qışnıñ başlanuı belӓn küzӓtelgӓn salqınnar arqasında ike atnada 5 yort-cirsez keşe yaqtı dönyadan kitte.

Buênos-Ayrestağı Humanitar üseş hӓm yӓşӓw mӓydanı ministrı Gvadalupe Tagliaferri telefonnan qatnaşqan ber televideniye tapşıruında Buênos-Ayresta 1146 keşeneñ uramda yӓşӓwen, aqıl sӓlamӓtlege hӓm sośial’ xezmӓt ölkӓsendӓ 40tan artıq törkemneñ şӓhӓr uramnarında wazifa baqşaruın belderde.

Tagliaferri öysezlӓr öçen 2300dӓn artıq urın-cirneñ ӓzer buluın açıqlap: “İñ möhime – öysezlӓrneñ berӓr cirdӓ êşlӓwlӓren tӓêmin itü hӓm alarnı uramda yӓşӓwdӓn waz kiçterü. Yort-cirsez keşelӓrneñ kübese ir-atlardan tora. Buênos-Ayrestağı öysezlӓrneñ 30%ı başqaladan, qalğannarı isӓ vilayӓt’lӓrdӓn kilgӓn,” – dide.

Şul arada River Pleyt futbol taqımı Red Solidarianıñ kereşüe belӓn “El Monumental” bularaq belenüçe Antonio Vespuçio Liberti stadionın öysezlӓr öçen açtı.

200dӓn artıq keşe anda kiçke aş aşağan hӓm 103 keşe dӓ tönne ütkӓrgӓn. Şulay uq cıyılğan kiyem-salım hӓm şӓxsi ӓyberlӓr dӓ moxtaclarğa tapşırıldı.