Qoyaş totılu
Argentina häm Çilidä tulısınça qoyaş totılu küzätelde
Kön’yaq Amerika illäre Argentina häm Çilidä tulısınça qoyaş totılu küzätelde.
Argentinada bu küreneş cirle waqıt belän säğat’ 16 tulıp 30 minutta başlandı häm yaqınça 2 säğat’ däwam itte. Anı San-Xuan, La-Rioxa, San-Luis, Kordova, Santa-Fe häm Buênos-Ayres töbäklärennän kürep bula ide.
Başqala Buênos-Ayresta bolıtlı hawa säbäple açıq kürenmägän totılunı qararğa teläwçelär yuğarı urnaşqan noqtalarğa bardı. Kük küreneşen iñ yaxşı kürep bula torğan urın - San-Xuanğa dön’yanıñ törle poçmaqlarınnan yaqınça 15 meñ keşe kitte.
Qoyaş totılu Çilineñ böten töbäklärennän küzätelä ide, iñ açıq kürengän urın - Kokimbo. Anda 140 meñ turist kilde. Aralarında ğalimnär, Maykrosoftnı tözüçe Bill Geyts ta bar.
Qoyaş totılu här 18 ayda ber tapqır bula. Sonğı tapqır ul 2017nçe yılnıñ avgustında AQŞ häm qayber Kön’yaq Amerika däwlätlärennän küzätelde.
Bäyläneşle xäbärlär
"İzrailgä qoral satmağız"
Djozef Borrell İzrailneñ qulında qoral bulmasa ğına bombalawdan tuqtayaçağın belderde
İpi êçennän tıçqan qaldıqları çıqtı
Yaponiyada ber ikmäk peşerü şirkäteneñ tovarların kibetlärdän kire cıyalar