Dalay Lama ğafu ütende
Tibetlelärneñ 84 yäş'lek ruxani liderınıñ uzğan ayda BBC kanalına birgän interv'yusınnan soñ rizasızlıq dulqını quptı
Tibetnıñ ruxani liderı 14nçe Dalay Lama xatın-qızlar turındağı süzläre häm möhacirlär xaqındağı belderüläre öçen ğafu ütende.
Hindstan matbuğatında urın alğan xäbärlärgä qarağanda, ul ber reportajda reinkarnaśiyädä, yäğ’ni yañadan tuğanda xatın-qız bulıp tuu mömkinlege turındağı sorawğa: “Alay bulsa - bik söykemle bulır ide,”-dip cawap birgän. Dalay Lama bu süzläre öçen ğafu ütenep, monıñ şayartu ikänen, yalğış añlaşıluın häm bu nisbättän öçen borçıluın belderde.
Dalay Lama şul uq reportajda: “Böten Awrupa möselman däwlätenä äylänsenme? Mömkin tügel. Yuğıysä Afrika däwlätenäme? Awrupanı awrupalılar öçen saqlağız,”- digän häm Awrupadağı möhacirlärneñ tuğan cirlärenä kire qaytırğa kiräklegen söylägän.
Üze dä Hindstanda 60 yıldan artıq migrant bularaq yäşäwçe tibetlelärneñ ruxani liderı Dalay Lamanıñ älege süzlärenä dä rizasızlıq kürsättelär. Ul bu fikerläre öçen ğafu ütende.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
