Tön'yaq Kiprda şartlaw

Tön’yaq Kipr Törek cömhüriyätendä başqala Lefkoşa häm Girnä arasındağı Taşkent awılı tirälärenä ber cisem töşep şartladı. Şunnan soñ qır cirlegendä yanğın çıqtı.

İminlek köçläre şartlaw häm yanğın bulğan urınğa berkemne dä yaqınlaştırmadı. İlneñ viśe-prem’yerı häm tışqı êşlär ministrı Kudrät Özärsay waqıyğa urınında bulğannan soñ belderü yasadı. “Berençel tabıldıqlar şartlawğa säbäpçe bulğan cisemneñ yä şartlatuçı taşuçı hawa apparatı yäisä turıdan-turı şartlatuçı (raketa) buluına işarät itä. Qalğan kisäklär östendäge yazular häm başqa dälillär çınlıqta närsä buluın qısqa waqıt eçendä tögäl genä açıqlarğa yärdämçe bulaçaq,”-dide ul.  

Özärsay waqıyğada ülüçe yäisä yaralanuçı bulmawın belderde. Yanğın sünderüçelär utnı kontrol’ astına alğan.

Şartlaw bulğan urındağı tikşerenülär waqıtında ber hawa apparatınıñ motor qaldıqları tabılğan. Alar östendäge rusça yazular iğ’tibarnı cälep itä.

Tön’yaq Kipr Törek cömhüriyäte Mostafa Akıncı: “Regiondağı suğışnıñ bezneñ öleşebezgä tigän naçar sıylarınnan berse. Berençe bulıp tuğan fiker älegä şul,”-dide.