Ärdoğan Yaponiyä êşmäkärlären çaqırdı

İlbaşı Räcäp Tayyip Ärdoğan Yaponiyädä êşmäkärlärgä möräcäğat’ itep Törkiyägä investiśiyä yasarğa çaqırdı. Ul Yaponiyä êşmäkärlek federaśiyäse tarafınnan oyıştırılğan cıyılışta qatnaştı.

Ärdoğan andağı çığışında säwdädä protekśionizmnıñ artuı häm irekle bazarnıñ bozıluınıñ borçu tudıruçı buluın äytep uzdı. Ul mondıy çorda Törkiyä belän Yaponiyä arasındağı xezmättäşlekneñ ähämiyäteneñ tağın da artuın belderde. “İq’tisadi urtaqlıq kileşüen tiz arada tögälläp 2019nçı yılda imzalarğa telibez. Dokumentnıñ ber yaqtan irekle säwdä mäs’äläsendäge urtaq maqsatıbıznı, ikençe yaqtan iq’tisadi üseştäge üzençäleklärebezne iğ’tibarğa aluçı balans kertüen kötäbez,”-dide Ärdoğan.   

Ul Törkiyäneñ regionda ähämiyätle citeşterü häm logistika bazası buluın assızıqladı häm xalıqara investorlarğa härwaqıt teräk buluların belderde.

“İlebezgä investiśiyä kertep tä qanäğat’ qalmağan, problemalarına çişeleş taba almağan ber êşmäkär dä yuq”,- dide Törkiyä ilbaşı.