Tramp Putinğa AQŞtağı saylawlarğa tıqşınmasqa quştı

Amerika Quşma Ştatlartı ilbaşı Donal’d Tramp belän Rusiyä däwlät başlığı Vladimir Putin Yaponiyäneñ Osaka şähärendä uzuçı G20 liderlar sammitında oçraştı. Älege oçraşuğa qadär Trampnıñ şayartuı iğ’tibarnı cälep itte. Ul Putinnı AQŞtağı saylawlarğa tıqşınmasqa çaqırıp kisätte.

Aq Yorttan yasalğan belderügä qarağanda, sammit qısalarında oçraşqan liderlar ike il arasındağı mönäsäbätlär xaqında söyläşte. Alar AQŞ belän Rusiyä arasın tözätüneñ üzläre öçen genä tügel, dön’yadağı başqa däwlätlär öçen dä faydalı bulacağı nisbätennän kileşte.  Oçraşuda İran, Süriyä, Venesuêla häm Ukrainadağı wäzğıyät’ telgä alındı.

Belderüdä, şulay uq, ike lidernıñ Trampnıñ monnan êlek Qıtaynı da quşarğa kiräklegen söylägän 21nçe ğasır qoralların kontrol’ itü modele belän bäyle söyläşülärne däwam itü mäs’äläsendä kileşüläre äytelde.