AQŞ däwlät särqatibe Äfğanstanda

Amerika Quşma Ştatları däwlät särqatibe Mayk Pompeo AQŞ belän Taliban arasında däwam itüçe solıx söyläşülärendä alğa kiteş buluın belderde.  Ul Qabulğa räsmi säfär beläñ kitte. Anda Pompeo AQŞ ilçelegendä jurnalistlar belän oçraştı.

Räsmi zat ileneñ Äfğanstandağı xärbilärne çığarırğa äzer buluın söyläde. Pompeo äytüençä, AQŞ biredäge barlıq mäs’älälärne söyläşülär östäle artında xäl itärgä teli. Şul säbäple, Talibannı turıdan-turı Äfğan räsmiläre belän oçraşuğa künderergä tırışalar.

“Taliban belän tınıçlıq turında söyläşülärdä alğa kiteş bar. Kiläse 3 ay êçendä kileşü täêmin itelüe kötelä,”-dide Pompeo.

AQŞ däwlät särqatibe, şulay uq, Paqıstannıñ Äfğanstandağı tınıçlıqnı tözügä öleş kertü waqıtı citüen dä assızıqladı. “Taliban belän tınıçlıq urnaşsa, regiondağı däwlätlärneñ barısı öçen uñay bulaçaq,”-dide Mayk Pompeo.