Burkina-Fasoda höcümnär

Burkina-Fasonıñ tön’yağında qorallı keşelär tarafınnan yasalğan höcümnärdä kimendä 15 keşeneñ ğomere özelde. İlneñ saqlanu ministrı Şerif Si beldergänçä, waqıyğa şimbädän yäkşämbegä qarşı töndä bula. Höcümçelär ike awılğa bärep kerä. Alar 15 keşene üterä, küp sanda bina häm texnikağa ut törtä. Qorallı törkem iminlek köçläreneñ qarşılığınnan soñ qaça.

Äle uzğan atnanıñ sişämbesendä ilneñ tön’yağındağı Bäläxädä şähärçegenä terrorçı höcüme oyıştırılğan ide. Anda 17 keşe ülde.

Burkina-Faso 2015nçe yıldan birle daimi räweştä terrorçılıq höcümnärenä duçar bula. İldäge 13 regionnıñ 7sendä ğadättän tış xäl kertelgän.