Misırda sörän wäzğiyäte

Misır êçke êşlär ministrlığı tüntäreleş belän wazıyfasınnan çitläşterelgän êlekke ilbaşı Möxämmäd Mursi wafat bulğannan soñ ildä sörän wäzğiyäte iğ’lan itkän.

Misır mediasında urın alğan xäbärlärgä kürä, êçke êşlär ministrlığı planlaştırılğan êşlärne kiñ qırlı küzdän kiçerä, il kilämendä meñnärçä iminlek patrule urnaştıra başlağan.

Ministrlıq ofiśerlar häm iminlek xezmätkärläreneñ yalların ğamäldän çığarğan ,däwlät häm şäxsi oyışmalar belän çirkäwlär häm qunaqxanälärdä iminlek çaraların arttırğan.

Şulay uq yullarda ,mäydannarda iminlek çaraların köçäytü häm terror yanawına qarşı totqarlawçı operäśiyälär başqarunı küzdä totuçı plannı ğamälgä ketkän.

Misır däwlät televideniyese Möxämmäd Mursinıñ mäxkämä zalında ğomere özelüen citkergän ide.

İlneñ saylanğan täwge ilbaşı Mursi şımçılıq başqaruda ğayeplände.

Ul 2013 nçe yılnıñ 3 nçe iyülendä ul däwerneñ saqlanu ministrı häm annan soñ ilbaşı bulğan Abdulfättah äs-Sisi  tarafınnan ğamälgä aşırılğan xärbi tüntäreleş belän wazıyfasınnan alınğan ide.