"İran bäreleşü yaqlı tügel"

İran İlbaşı idarӓsennӓn yasalğan açıqlawğa kürӓ dӓwlӓt başlığı Xӓsӓn Ruxani Qatar Ӓmire Şӓyex Temim bin Xamad Al Sanine bӓyrӓm belӓn qotlar öçen şaltırattı.

Söylӓşüdӓ dӓwlӓtlӓrara mönӓsӓbӓtlӓrdӓ yanaw, blokada hӓm iqtisadi çiklӓwlӓrneň yalğış ısul buluın citkergӓn Ruxani: “İran töbӓktӓge iminlekne arttırırğa teli, töbӓk illӓre hӓm zur köçlӓr belӓn bӓreleşü yaqlı tügel. Ӓgӓr dӓ alar aqılsız adım yasasa, hiçşiksez tögӓl hӓm ükeneçkӓ qaldıruçı cawap qaytarır," – dide.

İran xökümӓteneň Qatar yanında buluın ӓytkӓn Ruxani Soğud Ğarӓbstanı hӓm Berlӓşkӓn Ğarӓp Ӓmirleklӓreneň Yӓmӓn, Qatar hӓm İran belӓn bulğan mönӓsӓbӓtlӓreneň bar töbӓk öçen zarar buluın belderep, tübӓndӓgeçӓ dӓwam itte: “Regional’ mӓs’ӓlӓlӓrneň hӓm problemalarnıň xӓrbi çişeleş yulı yuq.”

Qatar Ӓmire Al Sani da Kuveyt Ӓmire Şӓyex Sabah Ӓxmӓt Cabir el Sabahnıň töbӓktӓge kiyerenkelekne azaytu öçen quyğan tırışlıqların xuplawların açıqladı.

İrannıň Qatarnı xuplawın onıtmayaçaqların ӓytkӓn Al Sani Tӓhran citӓkçelege belӓn barlıq ölkӓlӓrdӓ mönӓsӓbӓtlӓrne üsterü yaqlı buluların citkerde.