Angliyäneñ Soğud Ğaräbstanına qoral satuı artqan

Jurnalist Cämal Qaşıqçınıñ İstanbuldağı Soğud Ğaräbstanı konsullığında üterelüennän soñ küzätelgän 3 ayda Angliyäneñ bu ilgä yaqınça 11,5 million sterlinglıq qoral satuı bilgele buldı. Ber cirle telekanalda bu sannıñ äle axırğı bulmawı, säwdä äyläneşeneñ tağın da zurraq bulu ixtimalı assızıqlandı.

Soğud Ğaräbstanına satılğan xärbi texnika häm kiräk-yaraq arasında bronya tişüçe yädrälär, êlektron suğış apparatları häm quldan yasalğan şartlatqıçlarnı tabıp täêsirsez itü cihazları bar.

Xäbärdä basım yasap äytelgänçä, Angliyäneñ älege 3 ay êçendä Soğud Ğaräbstanına qoral satuı, uzğan yılnıñ şul uq çorı belän çağıştırğanda, 94%qa artqan.