Ukraina çiklӓwlӓrne kiñäytä

Ukraina Rusiyӓgӓ qarata iqtisadi çiklӓwlӓrne kiñӓytü qararın qabul itte.

Ukraina prem’yer-ministrı yӓrdӓmçese, İqtisadi qalqınu hӓm sӓwdӓ ministrı Stepan Kubiv Ministrlar Şurası cıyılışında çiklӓwlӓrneñ kiñӓytelüen üz êçenӓ aluçı “Rusiyӓdӓ citeşterelgӓn, Ukrainağa kertelüe tıyılğan tovarlar isemlegendӓ üzgӓreşneñ yasaluı xaqındağı qarar”nıñ raslanuın belderde.

Çiklӓwlӓrneñ Rusiyӓdӓ citeşterelgӓn törle sӓnӓgӓt’ êşlӓnmӓlӓrenӓ qarata qullanıluın ӓytkӓn Kubiv: “Rusiyӓdӓn mineral’ aşlama, awıl xucalığı êşlӓnmӓlӓre, fanera hӓm qalğan qayber tovarlarğa çiklӓw kertelӓçӓk. Yaña sankśiyalӓr Ukrainada citeşterelӓ alınaçaq yӓisӓ al’ternativ yullardan tӓêmin itelӓ alınaçaq tovarlarnı üz êçenӓ ala,” – dide.