Süriyälelär utırğan köymä battı

Livanda süriyäle qaçaqlar utırğan köymä battı. Näticädä 5 keşe yuğaldı.

Livannıñ xärbi agentlıqları yazğança, köymädä ilneñ Tripoli şähärennän qanunsız yullar belän Kiprğa barıp citärgä mataşuçılar bulğan. 8 keşe utırğan kater qazağa oçrağanda äle bik dingez êçenä kerep kitmägän. Äylänep qaplanğan köymädän yözep yarğa çıqqan 3 keşene Livan dingez quätläre saq astına alğan.  Qalğannarınıñ yazmışı bilgele tügel.

Beyrut idaräse süriyäle migrantlarnı üz teläkläre belän illärenä qaytırğa çaqıra häm bu mäs’älädä xalıqara cämäğat’çelektän yärdäm sorıy.  

Livannıñ räsmi mäğ’lümatlarına qarağanda, Süriyädän yaqınça million yarım keşe Livanğa küçende. BMO bu sannıñ 1 millionnan kim buluın belderä.