Äfğanstan aqçasına - Meksika divarı
Pentagon Äfğanstanğa yärdäm öçen ayırılğan aqçağa Meksika divarın töziyäçäk
AQŞ Äfğanstan armiyäsenä yärdäm itü öçen saqlanu byudjetınnan ayırılğan fondnıñ ber öleşen Meksika çigendä tözeläçäk divar öçen qullanaçaq. Bu xaqta Pentagonnan belderdelär.
Süzçe Tom Grosson älege mäs’älä belän bäyle açıqlawda: “Ğomumştabtan alğan täq’dimne centekläp qarağannan soñ, ministr wäkile Patrik Şanaxannıñ Tusson (Arizona) häm Êl Śentrodağı (Texas) 4 östämä proyektta tulayım 78,25 mil’ ozınlığındağı qoymalarnı yañartuğa 1 milliard yarım dollarlıq öleş kertüne qabul itüen Kongressqa xäbär ittek,”-dip yaza.
Grosson bu aqçanıñ Pentagonnıñ byudjetında êkonomiyälängän çaralardan tış, qayber programmalardağı üzgäreşlär yärdämendä täêmin itelüen dä äytte.
Amerika mediası isä, räsmi zatlarğa sıltaw belän, 1 yarım milliard dollarnıñ 600 millionı Äfğanstan iminlek köçlärenä ayırılğan fondtan alınuın yazdı.
