Paqıstanda törbägä höcüm

Paqıstannıň Pencap vilayäte başqalası Laxorda sufıy törbäsenä oyıştırılğan bombalı höcümdä 5 keşeneň ğomere özelde, kim digändä 23 keşe yaralandı.

Laxor İminlek mödire Gazanfer Ali yasağan açıqlawında Data Darbar törbäse aldındağı poliŝiya maşinasında barlıqqa kilgän şartlaw näticäsendä maşinadağı 4 poliŝiya xezmätkäre häm ber keşeneň yaqtı dönyadan kitüen, tirä-yaqta şaqtıy keşeneň yaralanuın belderde.

Ali höcümneň niçek oyıştırıluınıň älegä bilgesez buluın citkerde.

Şartlawda törbädä häm tirä-yağında yözlärçä keşeneň buluın açıqlağan Ali qayber yaralanuçılarnıň awır xäldä buluın, ülüçelär sanınıň arta alaçağın belderde.

Älege törbä Kön’yaq Aziyaneň iň zur sufıy ğibadätxanäse bularaq belenä.

Törbä 2010da qanlı intixar höcümnäreneň maqsatına äylängän ide.