Nigerda yağulıq tankerı şartladı

Nigernıñ başqalası Niameynıñ könçığışındağı Diori Xamani aêroportında ber yağulıq tankerınıñ şartladı. Näticädä 55 keşeneñ ğomere özelüe turında xäbär itälär.

Cirle matbuğat çaralarındağı xäbärlärgä qarağanda, êçke êşlär ministrı Bazoum Möxämmät waqıyğa urınında belderü yasap, yäkşämbe könne kiçke säğat’lärdä tankernıñ parkovkağa kergändä awuın häm konteynerdağı yağulıqnıñ ağa başlawın belderde.

“Tirä-yaqtağı keşelär aqqan yağulıqnı tutıra başladı. Alardan berse tankernıñ yanına sünderelmägän motośikl belän kilde. Şartlawğa anıñ motorındağı ber oçqın säbäpçe buldı,”-dip söyläde ul.

Ministr qazada 55 keşeneñ ülüen, 37 keşeneñ törle däräcädä peşüen belderde.