“AQŞ ilebezne köçsezländerü öçen üzençälekle suğış alıp bara"

“Ägär berkönne Amerika imperatorlığı bu cirlärgä qağılırğa dip suzılsa, watannı saqlaw öçen qulıbızğa qorallar totıp härwaqıt äzer bulırğa kiräk,”-dide Venesuêla däwlät başlığı Nikolas Maduro. Ul saqlanu ministrı Vladimir Padrino Lopes belän bergä Kojedes provinśiyäsendäge xärbi öyrätü üzägenä bardı. Maduro xärbilär qarşında çığış yasap bolay dide: “Bez köçsez häm mäxrüm il tügel. Bez quätle Bolivarçı gvardiyäse bulğan däwlät. Kön sayın tağın da kübräk berläşergä häm tuğ’rılıq saqlarğa tiyeşbez”.

Maduro AQŞnıñ Venesuêladağı tabiğıy baylıqlarnı qulğa töşerergä teläwen belderde. “AQŞ ilebezne köçsezländerü öçen üzençälekle suğış alıp bara. Ber törkem tüntäreleşçe xain belän milli gvardiyäne yuq itü öçen bik küp aqça tügep tözegän astırtın êşläre bar,”-dide ul. Maduro armiyäneñ tuğ’rılığına ışanuın assızıqladı. Anıñ fikerençä, AQŞ, Monro doktrinasın qullanıp, Latin Amerikası häm Karib töbägen koloniyäläşterergä teli.