Saylaw xezmätkärläre alcudan ülde

İndoneziyädä 17nçe aprel’dä bulğan saylawlardan soñ tawış sanaw waqıtında çiktän tış alcığan 270tän artıq xezmätkär ülde. Alar millionnarça byulleten’ne säğat’lär buyı quldan sanağan. Ülgän xezmätkärlär aru-talu arqasında kilep çıqqan çirlärdän kitep barğan. Saylawlarda wazıyfa başqarğan tağın 1 meñ 878 xezmätkär awırıy. Tabiblar alarnıñ xäle öçen borçıla häm ülüçelärneñ sanı artaçağınnan qurqa.

Bu wäzğıyät’ “tarixtağı iñ zur ber könlek saylaw”dan soñ 10 kön ütkäç açıqlanğan.

İndoneziyäneñ üzäk saylaw komissiyäse xezmätkärlärgä mönäsäbäte nisbätennän tänqıyt’länä.

İldä 17nçe aprel’dä däwlät başlığı, milli häm regional’ parlament saylawları berläşterelde. 193 million tawış birüçe 3 ärcägä byulleten’ attı.