AQŞta möselmannarğa höcüm

Amerika Quşma Ştatlarınıñ Kaliforniya ştatında ber maşina yörtüçese trotuarda yörüçelӓrne möselman dip uyladı hӓm maşinası belӓn bӓrderde.

Poliśiya Ğiraqta suğışqan êlekke ğaskӓri İsayax Djoel Piplsnıñ San Jose şӓhӓreneñ Sannivêyl bistӓsendӓ möselman hӓm başqa rasadan buluların uylağan xatın-qız hӓm balalar da bulğan cӓyӓwlelӓrne bӓrderüen citkerde.

4 keşe xastaxanӓgӓ salındı, 13 yӓş’lekçığışı belӓn Kön’yaq Aziyadan bulğan qız balanıñ awır xӓldӓ buluı, reanimaśiyada yatuı belderelde.

Poliśiya 2005-2006 yıllarda Ğiraqta snayper bularaq wazifa başqarğan hӓm xӓzerge waqıtta Saqlanu ministrlığında êşlӓwçe höcümçeneñ İncil uqu törkemenӓ barğanda bu höcümne oyıştıruın açıqladı.

Prokuratura tikşerüneñ dӓwam itüen, Piplsnıñ 8 keşene üterergӓ cıyınğanı öçen mӓxkӓmӓgӓ cibӓrelüen hӓm ğayeple dip tabılğan oçraqta ğomer buyı törmӓdӓ utıraçağın citkerde.

Sannivêyl mêrı Larri Klayn yasağan açıqlawında: “Cӓmӓğat’çelegebez nӓfrӓt tudırğan bu mӓgnӓsez qırıslıqqa qarşı berlӓşte hӓm bolarnı qırıs rӓweştӓ ğayeplibez,” – dide.