Ğalämdä yaña rekord
Astronavt Kristina Kox ğalämdä iñ ozaq qaluçı xatın-qız bulırğa cıyına
1185608
Amerikalı xatın-qız astronavt Kristina Kox Xalıqara ğaläm stanśiyäsendä yaqınça 1 yıl qalaçaq. Ul stanśiyädä iñ ozaq waqıt kiçergän güzäl zat bulaçaq.
NASAdan belderülärençä, Kox ğalämgä uzğan ayda oçtı häm kiläse fevral’gä qadär Cirgä qaytmayaçaq. Bu 11 ay tiräse bula.
Älegä ğalämdä iñ ozaq waqıt qalğan xatın-qız astronavt isemen Peggi Uitson yörtä. Xäzer ul pensiyädä. Uitson 288 könen orbitada kiçerde.
Tağın ber amerikalı astronavt Êndryu Morgannıñ da bu cäyen 9 aylıq êkspediśiyä öçen Xalıqara ğaläm stanśiyäsenä cibäreläçäge belderelde.
