Tripolida raketa höcüme

Liviyäneñ başqalası Tripolida raketa höcümendä 2 keşe ülde, 8e yaralandı. Liviyä milli kileşü xökümäteneñ sälamätlek saqlaw ministrlığınnan Usame Ali beldergänçä, ülüçelärneñ ikese dä xatın-qız.  Ul qayber yaralılarnıñ xäle awır buluın söyli.

Liviyä Axrar telekanalı xäbär itkänçä, Milli kileşü xökümäte süzçese Möxämmäd Yunus general Xafter köçlären Tripolinı bombalawda ğayepläde. “Xafternıñ ğadi xalıqnı bombalıy başlawı anıñ suğış frontında cinelä baruınıñ dälile,”-dide ul.  

Şul uq waqıtta, Xafter köçläre dä oxşaş ğayepläwne Milli kileşü xökümätenä yünältte.

Bötendön’ya sälamätlek saqlaw oyışması Liviyädä 12 kön däwam itüçe bäreleşlärdä ülüçelärneñ sanı 174kä, yaralılarnıqı 756ğa citüen belderde.