Notr-Damnı tözekländerü öçen yarış

Franśiyä xökümäte räise Êduard Filipp yanğında cimerelgän Notr-Dam kafedrale manarasın yañadan torğızu öçen xalıqara arxitektura yarışı oyıştırılaçağın belderde. Ul matbuğat cıyılışında çığış yasap, Awrupada iñ küp turistnı üzenä tartıp toruçı sobornı tarixqa turı kilüçe räweştä tözekländeräçäklären citkerde.

Filipp qorılmanı yañartu êşçänlege öçen kiläse atnada uzaçaq ministrlar kabinetı cıyılışında monıñ belän bäyle qanun proyektı täq’dim iteläçägen dä äytte.

Ministr beldergänçä, yanğınnan qotqarılğan qayber äsärlär Luvr muzeyena iltelgän. Alarnı restavraśiyä kötä.

Êduard Filipp yanğın sünderüçelärneñ üz tormışların qurqınıç astına quyıp ut belän köräşüen dä telgä aldı. Ul, şulay uq, kafedral’neñ yañartıluı öçen iğanäçe bulğan watandaşlarnıñ keremnärennän salımda taşlamalar yasalaçağın da äytep uzdı.  

Xäyriyä aqçaları öçen cawaplı Stefan Bern yanğınnan soñ 900 million yevro cıyıluın, bu sannıñ gel artıp toruın belderde.