“Ofıqnıñ tarayuın xis ittek"

Sudan Xärbi küçeş şurası maqsatınıñ ildäge iminlek häm totrıqlılıq buluın, xakimiyättä qalu teläkläre bulmawın xäbär itte. Belderüdä äytelgänçä, alar xakimiyätne saylap quyılğan xökümätkä tapşıraçaq. “Ofıqnıñ tarayuın xis ittek, rejimnıñ mona iğ’tibarsız qaluınnan soñ üzgäreş yasarğa qarar qıldıq,”-diyelä şuranıñ belderüendä.

Xärbilär rizasızlar öçen kilüen häm xaos çığuına röxsät birmäyäçäklären söyli. Alar ilne krizistan çığaru öçen söyläşülär başlayacağın ışandıra. Belderüdä mondıy yullar bar: “Xalıq xakimiyätneñ bezneñ taraftan tartıp alınuın teläde. Xakimiyät öçen çabışmadıq. Bez (ilbaşı) Bäşirneñ partiyäseneñ ber öleşe tügel. Tışqı reakśiyälär uñay yünäleştä. Ömär äl-Bäşir rejimınıñ simvol şäxesläreneñ barısı qulğa alındı. Xakimiyättäge partiyäneñ liderlarınıñ yabıluı turındağı xäbärlär döres. (Tüntärelgän) ilbaşı Ömär äl-Bäşir küzätüebez astında. Anı bez xökem itäçäkbez. Xalıqara cinayät’ mäxkämäsenä tapşırmayaçaqbız.”

Şura AQŞnıñ sankśiyälären beterü öçen tırışaçaqların belderde.

“2 yıllıq küçeş prośessı bigräk tä säyäsi köçlär belän oçraşularğa yünälteläçäk. Mäydannarğa çığaçaqbız. Rizasızlıq belderüçelär belän söyläşep, fikerlären belergä telibez. Demonstrantlar sağıbız astında,”-di xärbilär.