Awrupa Berlege Sudanda xakimiyätkä kilgän xärbilärgä möräcäğat' itte
Ul idaräne grajdanlı xökümätkä birergä çaqırdı
Awrupa Berlege Sudanda xalıqnıñ üzgäreşlär taläbenä xärbi şuranıñ cawap birä almayacağın belderde. Ul idaräne grajdanlı xökümätkä birergä çaqırdı.
Awrupa Berlege tışqı êşlär häm iminlek säyäsäte yuğarı wäkile Federika Mogerini bu xaqtağı belderüendä Sudan xalqınıñ aylardır tınıç häm qararlı räweştä üzgäreşlär taläp itüen äytä. Ul Afrika Berlege komissiyäse räise Musa Faki Möxämmätneñ dä üz belderüendä monı assızıqlawın xäterlätä. “Xärbi şura Afrika Berlege kileşüeneñ prinśipların boza, ul xalıqnıñ üzgäreş taläbenä cawap birä almıy,”-di Mogerini. Anıñ äytüençä, Sudan xalqınıñ ömetlären barı tik ışanıçlı häm kiñ külämle säyäsi prośess aqlayaçaq.
Sudan saqlanu ministrı Avad bin Avf armiyäneñ il idaräsen qulğa töşerüen häm 2 yıllıq küçeş çorınıñ başlanuın belderde.
