İzrail saylıy

İzraildä 120 urınlı parlamentqa xalıq ışanıçlıların saylıylar. Tawış birü cirle waqıt belän irtänge säğat’ 7dä başlandı. Saylaw noqtaları kiçke säğat’ 10da yabılaçaq.

Monıñ sonğı yıllardağı iñ tartışulı saylawlardan berse bulacağın belderälär. 41 partiyä 5 million 800 meñnän artıq saylawçınıñ tawışı öçen yarışa.

Monnan aldağı saylaw 2015nçe yılda bulğan ide. Anda qatnaşu däräcäse 71,8% buldı.

İzrail matbuğatında çıqqan ictimağıy soraştıru näticälärenä qarağanda, Netan’yaxu citäkçelegendäge Likud partiyäseneñ saylawnı az ayırma belän tögälläwe kötelä.  Annan soñ Zäñğär-Aq ittifağı kilä.

Anketalarğa qarağanda, hiçber partiyä berüze xakimiyätkä kilü öçen kiräkle 61 urınnı almayaçaq. İzrailne, möğayen, yaña koaliśiyä xökümäte kötä.