Stoltenbergnıň wazifa waqıtı ozınaytıldı

NATO ğomüm särqätibe Jens Stoltenbergnıň wazifa waqıtı 2022 yılğa qadär ozınaytıldı.

İttifaq äğzase bulğan illär ğomüm särqätip Jens Stoltenbergnıň wazifa waqıtın 2022 yılnıň 30 sentäbr’ könenä qadär ozınaytu qararın qabul itte.

NATOdan yasalğan yazma açıqlawda berlektäşlärneň Stoltenbergnıň 2020 yılnıň 30 sentäbrendä azağına yaqınlaşuı küzdä totılğan wazifa waqıtın 2022gä qadär ozınaytuı belderelde.

Açıqlawda Stoltenberg NATO berlektäşläreneň wazifa waqıtın ozınaytu qararınnan qanäğat’ buluın äytep: “NATOnı zamançalaştıru mäs’äläsendä berlektäşlär belän êş başqarunı zarığıp köräm,” – dide.

İkençe tapqır wazifası ozınaytılğan Stoltenberg 2014 yılnıň 1 üktäbr’ könne Anders Fogh Rasmussen urınına bu wazifağa kilgän ide.

NATOnıň 13nçe ğomüm särqätibe bulğan Stoltenberg 2000-2001 häm 2005 belän 2013 yıllarda Norvegiya prem’yer-ministrı wazifasın başqarğan ide.