NASA êşkä çaqıra

Amerika ğaläm häm aviaśiyä idaräse NASA 18 meñ 500 dollar (yaqınça 100 meñ törek lirası) xezmät xaqına 2 ay buyı ber bülmädä bernärsä êşlämiçä yatarğa çaqıra. Bu êş öçen 24 keşe êzlilär. Alar yasalma cir tartu köçeneñ sälamätlekkä täêsiren tikşerü êksperimentında qatnaşaçaq.  Monıñ öçen 24-55 yäş’ arasındağı 12 xatın-qız häm şul qadär ük ir-at saylap alınaçaq.

Êksperiment Germaniyäneñ Köln şähärendäge ğaläm häm aviaśyä üzägendä ütäçäk. Anı sentyabr’dä başlarğa planlaştıralar. Ğarizalar 24nçe mayğa qadär qabul itelä. Şunısı da bar, êksperimentta qatnaşuçılar nemeśça belergä tiyeş.

NASA belgeçläre, keşelärneñ bülmädä televizor qarıy häm kitap uqıy aluların belderde. Alar qatnaşuçılarğa üzlärenä ber xobbi tabarğa kiñäş itä.

Saylap alınğan keşelär üzäktä, iyäläşü häm reabilitaśiyä waqıtın da kertep, tulayım 89 kön kiçeräçäk. Alar, ğaläm korabındağı astronavtlar şikelle, asqa taba altı däräcä awış karawatta ayaqları baştan beraz yuğarıraq xäldä 60 kön yataçaq.

Qatnaşuçılarnı 2 törkemgä ayıraçaqlar. Ber törkem cirneñ yasalma tartu köçe bülmäsenä oxşaş şartlarda toraçaq. Täcribädä śentrifuga bülmäsendä yatqanda minutına 30 tapqır äylänü dä küzdä totıla. Soñınnan alarnıñ sälamätlek kürsätkeçläre başqa bülmädä totılğannarnıqı belän çağıştırılaçaq.