AQŞta mäçetkä ut törttelär

AQŞnıñ Kaliforniya ştatında ber mäçetne yandırırğa mataştılar. Waqıyğa San-Diyego şähärendä buldı. Anda Êskondido İslam üzägeneñ divarına ut törttelär. Bu ğamäl “näfrät nigezendä êşlängän cinayät’” bularaq bäyälände.

Yanğın başlanğanda êçtä 7 keşe bulğan. Alar, yanğın sünderüçelär kilgänçe, utqa çik quya. Waqıyğada berkem dä yaralanmıy. Binanıñ tışqı yağı beraz zarar kürä.

Mäçetneñ avtoparkında Yaña Zelandiyäneñ Kraystçerç şähärendä bulğan terrorçı höcümnärenä işarät itüçe yazu tabıldı. Anıñ êçtälege turında başqa mäğ’lümat birelmi. Waqıyğa urınında tikşerü başlandı.