Bötendönya İslamofobiyağa qarşı köräş köne bulsın

İslami fän-belem häm mädäniyat oyışması Yaña Zelandiyädä 2 mäçetkä höcüm oyıştırılğan 15 nçe mart könen Bötendönya İslamofobiyağa qarşı köräş köne itep iğ’lan itelüen sorağan.

Oyışma ğomum mödire Abdulaziz bin Osman ät-Tuveyciri bu xaqtağı yazma belderüendä dönya külämendä möselmannarğa qarata çiktän tış ğamällär häm näfrät süzläreneñ artuın kisätkän.

Tuväyciri İslam dönyasınnan tış illärdäge möselmannarnıñ xoquqları häm iminlegenä tiskäre yoğıntı yasaluın beldergän .

Tuväyciri Berläşkän Millätlär Oyışmasın Yaña Zelandiyädä ike mäçetne maqsat itep alğan 15 nçe mart könen Bötendönya İslamofobiyağa qarşı köräş köne itep iğ’lan itärgä çaqırğan.

Yaña Zelandiyäneñ Kraystçerç qalasındağı 2 mäçetkä comğa namazı waqıtında oyıştırılğan terror höcümnärendä 50 keşeneñ ğomere özelgän ide.