Bar dönya höcümne ğayepli

Mӓs’ӓlӓ belӓn bӓyle açıqlaw yasağan Awrupa Berlegeneň Tışqı mönӓsӓbӓtlӓr hӓm iminlek sӓyӓsӓte yuğarı wӓkile Federika Mogherini: “Yaňa Zelandiyadӓge terror höcümnӓrendӓ tuğannarın yuğaltuçılarnıň qayğısı belӓn urtaqlaşabız. Ğibadӓtxanӓlӓrgӓ qarata oyıştırıluçı höcümnӓr hӓmmӓbezgӓ başqarılğan kebek sanala,” – dide.

Awrupa Berlege Şurası başlığı Donal’d Task isӓ Twitterda açıqlaw yasap: “Bu xain höcüm berqayçan da Yaňa Zelandiyaneň uňay hӓm basınqı totışına zıyan salmayaçaq,” – dide.

Awrupa Parlamentı başlığı Antonio Tajani da: “Yaňa Zelandiyadӓge terror höcüme yazmaların kürgӓç keşe telsez qala. Rasaçı nӓfrӓt hӓm tilerü mӓçettӓ ğibadӓt qıluçı ğayepsezlӓrne maqsat itep aldı,” – dide.

NATO ğomüm sӓrqӓtibe Jens Stoltenberg ta Twitterda yullama yasadı hӓm ike mӓçetkӓ qarata oyıştırılğan terror höcümen qırıs rӓweştӓ ğayeplӓwen açıqladı.

Rusiyӓ Federaŝiyase dӓwlӓt başlığı Vladimir Putin da Yaňa Zelandiya prem’yer-ministrı Yakinda Ardernnıň qayğısı belӓn urtaqlaştı.

Putin yullamasında: “Ğibadӓt öçen cıyılğan ğayepsez xalıqqa qarata başqarılğan höcüm cirӓngeç hӓm şaqqattıra. Monda qatnaşı bulğan hӓrkemneň cӓzağa tartıluın ömet itӓm,” – dide.

Germaniyaneň Xökümӓt süzçese Steffen Saybert soŝial’ media xisabında Kanŝler Angela Merkel’ isemennӓn yasalğan açıqlawnı urtaqlaştı.

Alman tışqı êşlӓr ministrı Xayko Maas isӓ Twitterda yasağan açıqlawında Yaňa Zelandiya hӓm terror qorbannarı yanında buluların belderde.