Hindıstanda duñğız grippı kizüe

Hindıstanda bıyıl duñğız grippınnan 605 keşeneñ ğomere özelgän.

"Times of India"nıñ Hindıstan sälamätlek saqlaw ministrlığı mäğ’lümatlarına nigezlänep citkergän xäbärenä kürä ,il külämendä bıyıl 19 meñ 380 nän kübräk keşe duñğız grippı belän çirlägän.

Gripp kizüe iñ küp 2 vilayät’tä küzätelgän. Racastanda 4 meñ 551 keşe duñğız grippı yoqtırğan,alardan 162 se ülgän. Guceratta isä 3 meñ 969 keşe gripp belän çirlägän. Annan ülüçelär sanı-118.

Yaña Dähli häm tirä yağında 3 meñ 362 duñğız grippı oçrağı terkälgän häm annan 7 keşe can birgän.