İran belän Ğiraq (Ğıyraq) arasında viza mäs’äläse

İran däwlät matbuğatında çıqqan xäbärlärgä kürä, İlbaşı Hasan Ruhanineñ düşämbe könne Ğiraqqa (Ğıyraqqa) yasayaçaq säfär aldınnan başqal Bağdatta oçraşular ütkärüçe İran Tışqı êşlär ministrı Möxämmäd Cävad Zarif Ğiraq (Ğıyraq) matbuğatına açıqlawlar yasadı.

İke il wäkillekläreneñ kiçä ütkärgän söyläşülärendä İran belän Ğiraq (Ğıyraq) arasında viza belän bäyle kileşügä ireşelüen assızıqlawçı Zarif: "Ğiraqlı (Ğıyraqlı) qardäşlärebezgä vizanıñ ike yaqlı bularaq tulısınça beterelüen yäki aqçasız buluın täq’dim ittek. Bu da bulmasa bäyälärneñ yaraşlı külämgä töşerelüen täq’dim ittek. Söyläşülärebez däwam itä. Bu mäs’älädä güzäl xäbärlärne ömet itäm”, - dip äytte.

Zarif Bağdat oçraşuları qısalarında Ğiraq (Ğıyraq) Tışqı êşlär ministrı Möxämmäd Ali äl-Häkim belän oçraşqan ide.

Söyläşüdän soñ oyıştırılğan urtaq matbuğat oçraşuında bügen neft’, tabiği (tabiğıy) gaz häm êlektr tarmaqlarında urtaq kileşü börketmäsenä qul quyılaçağı belderelgän ide.