Misırda qulğa alular
Timer yul qazasında ğayeplänüçe tağın 5 keşe saq astında
1157977
Misır başqalası Kahirädä bulğan timer yul hälakätendä ğayepläp tağın 5 keşene saq astına aldılar. İlneñ baş prokuraturasınnan belderülärençä, alar arasında stanśiyä idaräçese häm anıñ qul astındağı 2 xezmätkär dä bar. Alarnı soraw alu öçen 4 köngä izolyatorğa yapqannar. Prokuratura monnan alda da 2 maşinist häm yärdämçelären kertep tulayım 7 şöbhälene saq astına alu qararı çığarğan ide.
Kahiräneñ Ramses rayonındağı timer yul stanśiyäsendä 27nçe fevral’dä bulğan qazadan soñ çıqqan yanğında 22 keşeneñ ğomere özelde, 43 keşe törle däräcädä cäräxätlände. Misır prokurorı hälakätneñ maşinistlar arasındağı ğawğa arqasında kilep çığuın belderde.
