Guaydo qayttı

Venesuêlanıñ oppoziśiyä liderı Xuan Guaydo 11 könnän soñ ilenä kire qayttı. Ul AQŞnıñ Kolumbiyägä yullağan gumanitar yärdämen Venesuêlağa kertergä mataşudan ber kön alda ilennän kitkän ide. Guaydo sośial’ xisabında: “Venesuêlağa irekle keşelär bularaq keräbez, berkem monıñ kiresen äytä almas,”-dip yazdı.

Oppoziśiyä liderı Kolumbiyädän soñ regionda üzenä teläktäşlek kürsätüçe Braziliyä, Argentina, Paragway häm Êkvador şikelle illärdä buldı.

Venesuêla prokurorı Tarek Uil’yam Saab ğıynvar axırında Guaydoğa çit ilgä çığunı tıyu, bank xisapları häm mölkäten tuñdıru öçen Yuğarı ğadellek mäxkämäsenä möräcäğat’ itte, ikençe könne ük bu saqlıq çaraları raslandı.