Fälästinle açlıq iğ'lan itte

Törmädä utıruçı fälästinle Adil äs-Sälvadi açlıq iğ’lan itte. Ul 2 ay êlek İzrail tärtip saqçıları tarafınnan Qudüstä qulğa alınğan. Soñınnan anı, bernindi ğayepläw beldermiçä, 6 aylıq administrativ cäza bilgeläp törmägä utırtqannar. Sälvadi moña rizasızlıq belderep aç torırğa qarar qıla. Ul monı mäxkämä utırışına çığarılğanğa qadär däwam itäçägen belderä.

İzrail fälästinleläene “administrativ qulğa alu” digän sıltaw belän küzläw oyışmasına tayanıp 1 aydan başlap 6ayğa qadär saq astında tota. Ägär totqın “İzrailneñ iminlegenä yanıy” dip tabılsa, xärbi mäxkämä, xätta ğayepläwne dä beldermiçä, saq astında qalu waqıtın 5 yılğa qadär ozayta ala.

Fälästin räsmi çığanaqlarına qarağanda, İzrail törmälärendä ğayebe isbatlanmağan şundıy 430 administrativ totqın utıra.