Katar Paqıstanğa oçışlarnı tuqtattı

Katar Paqıstanğa oçışlarnı tuqtattı. Bu xaqta ilneñ grajdanlar aviaśiyäse oyışmasınnan belderdelär. Bilgele bulğança, Paqıstan, Hindstan belän kiyerenke xällär bulğannan soñ, üz hawa mäydanın yaptı. Bu wäzğıyät’tä Katar Paqıstana barlıq oçışlarnı tuqtatıp toruın xäbär itte. Belderüdä yulçılar häm oçqıçlarnıñ iminlege öçen barlıq kiräkle çaralarnıñ küreläçäge häm mäs’äläneñ küz uñında totılaçağı äytelä.

Hindstan belän Paqıstan arasında sonğı kiyerenkelek 14nçe fevral’dä başlandı. Hindstanda poliśiygä bäyle suğışçan köçlärgä höcüm ittelär. Anda 44 keşe ülde. Yaña Dähli höcümdä Paqıstannı ğayepläde. Paqıstan isä anı kire qaqtı.

Hindstan 26nçı fevral’dä Käşmir kontrol’ sızığınıñ Paqıstan tarafındağı terrorçı oyışma ob’yektlarına hawadan höcüm yasawın belderde.

Paqıstan isä kiçä irtän hawa mäydanı çiklären bozunı säbäp itep Hindstannıñ ike xärbi oçqıçın bärep töşerde. Monnan tış, Paqıstan oçqıçları Hindstan hawa mäydanına kerde.