Abbastan Putin çaqıruına uñay cawap

Falästin däwlat başlığı Mäxmüt Abbas Rusiyä ilbaşı Vladimir Putinnıň berär İzrail liderı belän Mäskäwdä öç yaqlı oçraşu ütkärü çaqıruına uňay cawap birde.

Fälästin räsmi agentlığı WAFAğa kürä Fälästin İlbaşı idaräse süzçese Näbil Äbu Rudäynä yasağan yazma açıqlawda Abbasnıň Putinnıň çaqıruı belän İzrail prem’yer-ministrı Binyamin Netanyaxu belän Mäskäwdä oçraşırğa qabul itüen, läkin Netanyaxunıň monnan taypıluın citkerde.

Äbu Rudäynä açıqlawında: “Däwlät başlığı Abbas Putinnıň mondıy oçraşu taläbenä xäzerge prem’yer-ministr yäisä saylawdan soň kiläçäk berär İzrail prem’yerı belän ğadel, daimi tınıçlıqnı urnaştıru öçen härwaqıt uňay cawap qaytarırğa äzer,” – dide.

İzrail xökümät räise Binyamin Netanyaxu kiçä Rusiyägä yasağan räsmi säfärennän alda: “Tınıçlıq teläwçe yäisä tınıçlıq öçen adım yasawçı Fälästinle lider belän küreşüem genä dä tınıçlıq öçen citärle,” – digän ide.

Rusiyä Federaŝiyase 2018 yılnıň noyabr’ ayında İzrail belän Fälästin arasında uzuı ixtimal tınıçlıq urnaştıru söyläşüläre öçen aradaşçı bulırğa häm söyläşülärne Mäskäwdä ütkärergä äzer buluın citkergän ide.