Kön'yaq Koreya Guaydonı tanıdı

Kön’yaq Koreya Venesuêla Milli Parlament başlığı Xuan Guaydonı ilneñ waqıtlıça dӓwlӓt başlığı bularaq tanuın açıqladı.

Kön’yaq Koreya Tışqı êşlӓr ministrlığınnan yasalğan açıqlawda Seul xökümӓteneñ Venesuêlada üzen waqıtlıça ilbaşı iğlan itkӓn Xuan Guaydonı tanuı belderelde.

Açıqlawda xökümӓtneñ Venesuêlada 2018 yılnıñ may ayında uzğan ilbaşı saylawınıñ legal’ hӓm ütӓ kürenmӓle bulmawı arqasında barlıqqa kilgӓn xaostan borçu toyuı hӓm ildӓ 23 ğinwar könne üzen waqıtlıça dӓwlӓt başlığı itep iğlan itkӓn Milli Parlament başlığı Guaydonı bu rӓweşle tanuı citkerelde.

Şul arada xökümӓt Venesuêlada qısqa waqıtta demokratik, ütӓ kürenmӓle hӓm ışanıçlı ilbaşı saylawın ütkӓrergӓ çaqırdı.

Xuan Guaydonı AQŞ belӓn ber rӓttӓn Awstraliya, Kanada, Kolumbiya, Peru, Êkvador, Paragvay, Braziliya, Çili, Panama, Argentina, Kosta Rika hӓm Gvatemala kebek illӓr tanığan ide. Soñğı itep Awrupa Parlamentı da bu yulda adım yasadı.