Ğıyraq yuqqa çıqqan kuveytlılarnıñ mäyetlären tapşırdı

Ğıyraq 1990nçı yıllarda Saddam Xösäyen rejimı tarafınnan cäzalap üterelgän kuveytlı äsirlärdän 300eneñ cäsäd qaldıqların tuğan illärenä tapşırdı. Bu xaqta yuğalğan keşelärne êzläw komitetı äğ’zası, Basra poliśiyäse citäkçese Räşid Fıläyx mäğ’lümat çaralarına belderde. Anıñ äytüençä, Ğıyraqta yuğalğan Kuveyt keşeläreneñ sanı 613. Xäzergä qadär 300eneñ mäyetläre tabılğan.  Cäsädlärne êzläw däwam itä. Sonğısı ilneñ kön’yağındağı Zikar cirlegendä alıp barılğan.  

Kuveyt Ğıyraq armiyäse bärep kergän 1990nçı yıllarda yuğalğan watandaşlarınıñ sanın 320 bularaq belderde. Ğıyraq isä ul çorda üzeneñ watandaşlarınnan 5 mennän artığınıñ yuqqa çığuın assızıqlıy.