Soğud Ğarӓbstanı Ğiraqnı xuplıy

Soğud Ğarӓbstanı patşası Sӓlman bin Abdulaziz Ğiraq xökümӓte ilneñ tözeklӓnderelüe öçen yasayaçaq adımnarnı xuplawın belderde.

Ğiraq prem’yer-ministrı Adil Abdulmehdineñ matbuğat ofisınnan yasalğan açıqlawğa kürӓ Abdulmehdi patşa Sӓlman belӓn telefonnan söylӓşte.

İke il arasındağı xezmӓttӓşlekneñ arttırıluı mӓs’ӓlӓse qaralğan söylӓşüdӓ patşa Sӓlman ileneñ Ğiraqnıñ iminlek, totrıqlılıq hӓm mullığı mӓs’ӓlӓsendӓ kürsӓtkӓn sizgerlekkӓ basım yasadı hӓm Ğiraq xökümӓte ilneñ qabat tözeklӓnderelüe mӓs’ӓlӓsendӓ yasayaçaq adımnarnı xuplawın citkerde.

Abdulmehdi isӓ söylӓşüdӓ ike il arasında neft’, sӓwdӓ hӓm iqtisad ölkӓsendӓ tağın da kübrӓk xezmӓttӓşlek başqarırğa telӓwen ӓytte.

Ğiraq Soğud Ğarӓbstanı belӓn ber rӓttӓn Farsı Qultığı illӓre belӓn mönӓsӓbӓtlӓrne cayğa salunı maqsat itӓ.

Soğud Ğarӓbstanı da ozaq yıllar buyı mönӓsӓbӓtlӓrdӓ küzӓtelgӓn kiyerenkelektӓn soñ Ğiraqqa yaqınlayırğa hӓm İrannıñ bu il östendӓge tӓêsiren beterergӓ tırışa.