Trampqa qarşı protest çaraları

Amerika Quşma Ştatları däwlät başlığı Donal’d Trampnıň ilneň Meksika çigendä barlıqqa kilgän qırıslıq waqiğaların nigeznamä kürsätep, milli ğadättän tış xäl iğlan itüenä N’yu-Yorkta rizasızlıq belderelde.

Şähärneň Yunion Skwe mäydanında cıyılğan yözlärçä keşe Trampnıň qaçaqlar säyäsätenä reakŝiya belderep, “Migrant häm qaçaqlar yanında bez”, “Milli ğadättän tış xäl Aq Yortta ul” häm “Trampnıň yalğan krizisın kire qağabız” dip yazılğan plakatlar kütärde.

Cırlar häm muzıka da işetelgän çarada Trampnı wazifasınnan kitärgä dä çaqırdılar.

N’yu-York poliŝiyase çara oyıştırılğan urında häm tirä-yağında kiň qırlı iminlek çaraların kürde.

Protestçılar arasında kerergä tırışqan Tramp tarafdarı bulğan ber keşe belän poliŝiya arasında ğawğa çıqtı.

Poliŝiya älege şäxesne mäydannan çitläşterde.

Şul arada AQŞ ilbaşınıň milli ğadättän tış xäl qararı Aq Yort aldında da protest itelde.