Qıtay - İran xezmättäşlege

Qıtay tışqı êşlär ministrı Van Yi İrannıň regional’ mäs’älälärdä qoruçı rol’ uynawın kötülären häm moňa ähämiyät birülären äytte.

Tışqı êşlär ministrlığınnan yasalğan yazma açıqlawğa kürä Van häm İran tışqı êşlär ministrı Cawat Zarif başqala Pekindağı Däwlät qunaq yortında küreşep söyläşte.

Söyläşüdä Van Yaqın Könçığışta häm xalıqara kon’yunkturada zur üzgäreşlärneň buluın belderep: “İrannıň regional’ mäs’älälärdä qoruçı rol’ uynawın kötäbez häm moňa ähämiyät biräbez,” – dip äytelde.

İke ilneň qaywaqıt tirbäleşle barışlardan uzuın, läkin strategik totrıqlılıqnı däwam itterüen beldergän Van Pekin häm Tähran citäkçelekläreneň ike yaqlı xezmättäşlekne saqlap qaluına, üsterüenä häm kiň qırlı strategik partnyerlık mönäsäbätlärenä yaňa êçtälek kertüenä işarät itte.

Qıtay säfärendä Zarif yanında İran Parlament başlığı Larikani dä bar.