İdlibtä ber-ber artlı ike şartlaw

Süriyäneñ İdlib şähärendä ber-ber artlı ike şartlaw buldı. Näticädä 9 keşeneñ ğomere özelde, 37se yaralandı. Höcüm bomba quyılğan maşinalar yärdämendä başqarıla.

Bilgele bulğança, İdlib - oppoziśiyä häm rejimğa qarşı köçlär qulında. Şartlawlar şähärneñ iñ xäräkätle uramı Kusurda bula.

İdlib grajdanlı qotqaru oyışması mödire Hac Yusuf beldergänçä, qotqaruçılar berençe şartlawdan soñ uq waqıyğa urınına kitkän. İkençe şartlaw alar barında bulğan. Hälaq buluçılar arasında 3 qotqaruçı da bar.  

Şartlawda yaqın-tirädäge binalar häm kibetlär dä zur zıyan kürgän. Yanğınnarnı qotqaruçılar sündergän.