Albaniyä xökümäte räisenä buyaw attılar
Parlament utırışında Êdi Ramağa şul räweşle protest belderelde
1145447
Albaniyä parlamentında xökümät räise Êdi Ramağa buyawlı protest belderelde. Utırışta töp oppoziśiyädäge Demokratik partiyäneñ citäkçese urınbasarı häm parlament viśe-spikerı Êdi Paloka aña buyaw attı.
Deputatlar Tön’yaq Makedoniyäne NATOğa qabul itügä bäyle protokolğa tawış birü öçen cıyıla. Buyawlı höcümnän soñ utırışta kiyerenkelek bulıp ala. Parlament räise Gramoz Ruçi üzeneñ urınbasarı Palokanı çitläşterä.
Deputatlar, tanäfestän kergäç, Tön’yaq Makedoniyäneñ NATOğa äğ’zalığı turındağı protokolnı 130 tawış belän uñayladı. Monnan alda Greśiyä belän Sloveniya da älege dokumentnı qabul itte.